Tuilleadh faoi Réaltaí an tSamhraidh
Roinnt eolais eile faoi chlár léitheoireachta Réaltaí an tSamhraidh
Eachtraíocht Léitheoireachta Réaltaí an tSamhraidh 2023
Is é Réaltaí an tSamhraidh an clár léitheoireachta samhraidh náisiúnta leabharlann phoiblí do leanaí a bheidh ar siúl ón 12 Meitheamh go dtí deireadh Lúnasa. Tugtar cuireadh do gach leanbh ar fud na tíre páirt a ghlacadh san eachtraíocht agus taitneamh a bhaint as spraoi agus pléisiúr na léitheoireachta agus na scríbhneoireachta i rith an tsamhraidh. Níl Réaltaí an tSamhraidh iomaíoch agus ceapfar gur chríochnaigh gach leanbh a léann fiú leabhar/ ríomhleabhar an clár – agus tá sé go léir go hiomlán saor in aisce!
“Dá mhéid a léann tú, is é is mó rudaí a bheidh ar eolas agat. Dá mhéid a fhoghlaimíonn tú, is é is mó áiteanna a bhainfidh tú amach.”
Gníomhaíochtaí do Réaltaí an tSamhraidh 2023
1. BorrowBox Réaltaí an tSamhraidh: Déan bailiúchán ríomhleabhair agus ríomh-chlosleabhair leanaí Réaltaí an tSamhraidh a bhrabhsáil, a fháil ar iasacht, a léamh agus éisteacht leo trí aip BorrowBox na leabharlainne. Cuirtear é seo ar fáil saor in aisce do gach ball lena úsáid ó áit ar bith ag am ar bith. Is féidir le daoine nach baill iad páirt a ghlacadh ann ar líne ag Bí i do leabharlann | Libraries Ireland
2. Am Scéalaíochta ar Líne: Cuirfidh foireann leabharlainne am scéalaíochta Réaltaí an tSamhraidh ar siúl, a bheidh ar fáil trí leathanaigh mheán sóisialta do leabharlainne áitiúla.
3. Leabhair: Tá leabharlanna poiblí ar oscailt, agus is fiú cuairt a thabhairt orthu dá bharr chun do leabhair don samhradh a fháil agus clárú do Réaltaí an tSamhraidh!
4. Cártaí agus athbhreithnithe léitheoireachta: Is féidir le leanaí an dul chun cinn atá á dhéanamh acu leis an léitheoireacht a rianú le cártaí léitheoireachta, ar féidir iad a mharcáil gach uair a léitear leabhar ar líne nó i bhfoirm chlóite. Tá iad seo ar fáil ó do leabharlann áitiúil nó lena n-íoslódáil agus lena gcló thíos. Ceadaítear sa mhír athbhreithnithe ar an láithreán gréasáin do léitheoirí a n-athbhreithnithe a uaslódáil ar na leabhair a léigh siad.
5. Gníomhaíochtaí ar Líne: Caith súil ar mheáin shóisialta agus láithreán gréasáin do leabharlainne áitiúla chun teacht ar imeachtaí agus gníomhaíochtaí Réaltaí an tSamhraidh a bheidh ag teacht aníos!