Scileanna don Saol
Méadaigh na scileanna a theastaíonn uait i do leabharlann áitiúil.
Is clár náisiúnta nua é Scileanna don Saol atá ar fáil trí gach leabharlann phoiblí in Éirinn. Cuireann sé ceardlanna, imeachtaí agus acmhainní saor in aisce ar fáil chun cabhrú le daoine fásta scileanna laethúla a fhorbairt, ó dhul ar líne agus airgead a bhainistiú go fanacht sláintiúil agus maireachtáil ar bhealach níos inbhuanaithe.
Cad is Scileanna don Saol ann?
Is clár náisiúnta nua é Scileanna don Saol a sheachadtar trí leabharlanna poiblí na hÉireann, ag tairiscint rochtain do dhaoine ar fud na tíre ar dheiseanna foghlama praiticiúla chun tacú leis an saol laethúil. Cibé acu is mian leat níos mó muiníne a bheith agat ar líne, d’airgeadais a bhainistiú, na meáin a thuiscint, nó maireachtáil ar bhealach níos inbhuanaithe – tá do leabharlann áitiúil anseo chun cabhrú leat.
Tá an clár ar fáil i ngach ceann de na 30 seirbhís leabharlainne de chuid na n-údarás áitiúla, agus díríonn sé ar shé phríomhthéama:
- Bunscileanna Digiteacha
- Litearthacht Airgeadais
- Litearthacht sna Meáin
- Scileanna Gnó agus Fostaíochta
- Feasacht Sláinte
- Stíleanna Maireachtála Inbhuanaithe agus Feasacht Chomhshaoil
Bígí Páirteach
Cuireann gach seirbhís leabharlainne meascán d’imeachtaí pearsanta, acmhainní ar líne, bailiúcháin leabhar, agus tacaíocht duine le duine ar fáil. Tá na gníomhaíochtaí saor in aisce, cuimsitheach, agus praiticiúil — oscailte do gach duine fásta sa phobal.
Buail isteach i do leabharlann áitiúil nó tabhair cuairt ar a láithreán gréasáin chun a fháil amach cad atá ag tarlú in aice leat.
Tacaítear leis an gclár Scileanna don Saol trid an bPlean Gníomhaíochta don Chiste um Chuntais Dhiomhaoin.
